મહારાષ્ટ્રના શિવસેના (ઉદ્ધવ જૂથ)ના દિગ્ગજ નેતા સંજય રાઉતે આગામી બે મહિના માટે જાહેર કાર્યક્રમોથી દૂર રહેવાની જાહેરાત કરી છે. તેમણે ‘ગંભીર આરોગ્ય સમસ્યાઓ’નો ઉલ્લેખ કર્યો છે, જોકે ચોક્કસ બીમારી જાહેર નથી કરી. રાઉતની આ જાહેરાત બાદ વડાપ્રધાન મોદીએ તેમની ઝડપી સ્વસ્થતા માટે શુભેચ્છા પાઠવી. સોશિયલ મીડિયા પર રાઉતના નિવાસ વિશે વિવિધ અટકળો અને સવાલો ઉઠ્યા છે, જેમાં કેટલાક યુઝર્સ રાજ ઠાકરેને કારણે રાઉતના સ્વાસ્થ્ય પ્રતિકૂળ બનવાની વાત કરી રહ્યા છે.
