ગુજરાતમાં કમોસમી વરસાદથી ખેતરના પાકને ભારે નુકસાન થતાં ખેડૂતો સરકાર સામે ઉગ્ર પડયા છે. ભાવનગરના સિહોરમાં ખેતરમાં પાક બાળીને હવન કરવામાં આવ્યો, અમરેલીમાં કચેરી સામે પ્રતિકાત્મક પોક મૂક્યો, જ્યારે ગાંધીનગરમાં ઢોલ-નગારા વગાડી સરકારની ઊંઘ ઉડાડવામાં આવી. ખેડૂતોએ સરકાર પાસે માંગણી કરી છે કે ડિજિટલ સર્વેમાં સમય બગાડવાનાં બદલે, સીધી સહાય તેમના બેન્ક ખાતામાં જમા કરવામાં આવે. અનેક ગામડાઓમાં નેટવર્ક ન હોવાના કારણે સર્વેમાં મુશ્કેલીઓ આવી છે, જેનો વિરોધ વિવિધ વિસ્તારોમાં જાહેર કાર્યક્રમો દ્વારા કર્યો છે.
