તેલંગાણાના રંગા રેડ્ડી જિલ્લામાં આજે સવારે દિલ દહલાવી દેનારો માર્ગ અકસ્માત થયો. હૈદરાબાદ જતી RTC બસ કાંકરી ભરેલી ટ્રક સાથે અથડાતાં બસ પલટી ગઈ અને ટ્રકની કાંકરી મુસાફરો પર ઢળી પડી. આ ભયાનક અકસ્માતમાં 20 લોકોના મોત થયા છે, જેમાં એક દસ મહિનાના બાળક અને તેની માતાનો પણ સમાવેશ થાય છે. ઘણા મુસાફરો ગંભીર રીતે ઘાયલ થયા છે અને મૃત્યુઆંક વધવાની આશંકા છે. સ્થળ પર બચાવ કામગીરી ચાલી રહી છે, જ્યારે તેલંગાણાના મુખ્ય પ્રધાને દુર્ઘટનાપ્રતિ શોક વ્યક્ત કર્યો છે.
