જામનગર: મહાનગરપાલિકા વોર્ડ 6ના બગડેલા રોડ-રસ્તા અને કાદવ કીચડને લઈને શહેર કોંગ્રેસે અનોખો વિરોધ પ્રદર્શન કર્યું. શહેર કોંગ્રેસ પ્રમુખ કાદવવાળા રસ્તા પર બેસી સામે આવેદનપત્ર તૈયાર કર્યું અને મહાનગરપાલિકાની કચેરીમાં મેયર અથવા ડેપ્યુટી મેયરને પાઠવ્યું.
સ્થાનિકો વર્ષોથી બગડેલા રસ્તાઓથી ત્રાહિમામ છે. એરફોર્સ ગેટથી લઈને વાયુનગર અને અન્ય વિસ્તારોમાં ભૂગર્ભ ગટરના ખોદકામ પછી પેચિંગ વગરના રસ્તાઓ છોડાયા છે. કોંગ્રેસે આ સમસ્યાઓના તરત ઉકેલની માંગ કરી છે અને ઉગ્ર આંદોલનની પણ ચીમકી આપી છે.
