પ્રધાનમંત્રી શ્રી નરેન્દ્ર મોદીએ આજે કાર્તિક પૂર્ણિમા અને દેવ દીપાવલીના પવિત્ર અવસર પર દેશવાસીઓને હાર્દિક શુભેચ્છાઓ પાઠવી છે. તેમણે જણાવ્યું કે ભારતીય સંસ્કૃતિ અને આધ્યાત્મિકતાથી જોડાયેલો આ પવિત્ર તહેવાર સૌના જીવનમાં આનંદ, શાંતિ, આરોગ્ય અને સમૃદ્ધિ લાવે. પવિત્ર સ્નાન, દાન-પુણ્ય, આરતી અને પૂજન સાથે જોડાયેલી આપણી આ પવિત્ર પરંપરા દરેકના જીવનને પ્રકાશિત કરે તેવી પ્રાર્થના તેમણે વ્યક્ત કરી.
