બિલાસપુર: છત્તીસગઢના બિલાસપુર સ્ટેશન નજીક MEMU પેસેન્જર ટ્રેન અને માલગાડી વચ્ચે સર્જાયેલા અકસ્માતમાં 11 મુસાફરોના મોત અને 20થી વધુ ઘાયલ થયા છે. અકસ્માત સાંજે 4 વાગ્યાની આસપાસ થયો હતો, જ્યારે ટ્રેન કોરબા પરથી બિલાસપુર તરફ જઈ રહી હતી. દ્રશ્યો ભયંકર હતા, એક કોચ માલગાડીના વેગન પર ચડી ગયો હતો. બચેલા મુસાફરોના કહેવા પ્રમાણે, અચાનક ઝટકો લાગ્યો અને કોચ તૂટ્યો. સ્થાનિક રેસ્ક્યુ ટીમો ઘટના સ્થળે પહોંચી અને ઘાયલોને તાત્કાલિક સારવાર આપી હતી.
