અફઘાનિસ્તાન અને પાકિસ્તાન વચ્ચે તુર્કીયે અને કતરની મધ્યસ્થતામાં ઇસ્તાંબુલમાં યોજાયેલી ત્રીજી તબક્કાની શાંતિ વાટાઘાટો નિષ્ફળ રહી છે. પાકિસ્તાન ઈચ્છતું હતું કે અફઘાનિસ્તાન તહેરીક-એ-તાલિબાન (TTP) વિરુદ્ધ લેખિત પ્રતિબદ્ધતા આપે, પરંતુ કાબુલનો મક્કમ સ્ટેન્ડ ‘લેખિતમાં કોઈ વચન નહીં’ રહ્યો. પાકિસ્તાનના સંરક્ષણ મંત્રીએ કહ્યું કે બંને પક્ષ ખાલી હાથ પાછા ફરી રહ્યાં છે, અને આ સમયે ચોથા તબક્કાની વાટાઘાટો માટે કોઈ યોજના નથી.
