મુંબઈના ઘાટકોપર પશ્ચિમમાં ઝુનઝુનવાલા કોલેજ નજીક અંધેરી–ઘાટકોપર લિંક રોડને પહોળો કરવાનો પ્રોજેક્ટ ગતિમાન બન્યો છે. રોડનું કામ અટકાવી રહેલા 24 બાંધકામો તોડી પાડવામાં આવ્યા છે, જ્યારે નવા કેબલ-સ્ટેડ રેલ ઓવરબ્રિજના નિર્માણને અસર કરતા 35 વધારાના બાંધકામો પર પણ કાર્યવાહી ચાલી રહી છે. રસ્તાની બંને બાજુ લગભગ 250 બાંધકામો પ્રોજેક્ટને અસર કરતી હોવાથી સમગ્ર કામગીરીમાં વિલંબ થયો હતો.
