જામનગર શહેરના જુદાજુદા વિસ્તારોમાં છેલ્લા ચાર દિવસ દરમિયાન થયેલી ચાર બાઈક ચોરીના ગુનાઓનો એલસીબી પોલીસે ભેદ ઉકેલી લીધો છે. પોલીસએ એક આરોપીને ઝડપી લઈને તેની પાસેથી ચાર નંગ ચોરાઉ બાઈક કબજે કરી છે. પૂછપરછમાં આરોપીએ શહેરના અલગ અલગ વિસ્તારોમાંથી બાઈક ચોરી કરવાની કબૂલાત આપી છે, જ્યારે તેનો એક સાગરીત ફરાર હોવાથી પોલીસ દ્વારા તેની શોધખોળ હાથ ધરવામાં આવી છે. વાહન ચોરીના વધતા બનાવોને ધ્યાનમાં રાખી એલસીબીની ટીમે સઘન કાર્યવાહી કરી આ સફળતા મેળવી છે.
