ચાંદખેડા વિસ્તારમાં એક યુવકે પોતાની પૂર્વ પ્રેમીની આંખ સામે તેના પતિ પર જીવલેણ હુમલો કર્યો હતો. હિંમતનગરના રહેવાસી આરોપીએ કારમાં ઘૂસી જઈ પતિને છરીના ઘા મારી દીધા હતા. ગંભીર રીતે ઈજાગ્રસ્ત પતિને તાત્કાલિક હોસ્પિટલમાં ખસેડાયો હતો, જ્યાં ૭૦ જેટલા ટાંકા લેવાયા. પત્નીને પણ હળવી ઈજા પહોંચી. ઘટનાના બાદ આરોપી સ્થળ પરથી ફરાર થયો હતો. ચાંદખેડા પોલીસે કેસ નોંધીને તેની શોધખોળ શરૂ કરી છે.
