જૂનાગઢ જિલ્લાના વિસાવદર તાલુકાના શોભાવડલા ગામે હચમચાવી મૂકે એવો ત્રિપલ મર્ડરનો ખુલાસો થયો છે. વ્યસનના મુદ્દે ઠપકો મળતા નાના ભાઈએ પોતાના મોટા ભાઈ, ભાભી અને ભાભીના ગર્ભસ્થ બાળકની ક્રૂર રીતે હત્યા કરી નાખી હતી. લોખંડના સળિયા વડે હુમલો કર્યા બાદ આરોપીએ લાશોને નિર્વસ્ત્ર કરી આશ્રમના પટાંગણમાં દાટી દીધી હતી. આ ભયાનક કૃત્યમાં તેની માતાએ પણ સાથ આપ્યો હતો. પંદર દિવસ સુધી ઘટના છૂપાવી રાખવામાં આવી, પરંતુ અંતે મૃતકના માવતર પક્ષે પોલીસનો સંપર્ક કરતા સમગ્ર કાંડનો પર્દાફાશ થયો.
