ગુજરાતમાં છેલ્લા ૨૪ કલાક દરમિયાન સૌરાષ્ટ્ર-કચ્છ વિસ્તારમાં મેઘરાજાએ ધમાલ મચાવી હતી, હવે હવામાન વિભાગે ફરી વરસાદી માહોલની આગાહી કરી છે. રાજ્યના ઉત્તર, દક્ષિણ અને સૌરાષ્ટ્ર-કચ્છના મોટાભાગના જિલ્લાઓમાં હળવાથી મધ્યમ વરસાદની શક્યતા છે, જ્યારે અમુક સ્થળોએ ભારે વરસાદ પડી શકે છે. અમદાવાદ, સુરત, અમરેલી, જૂનાગઢ, પોરબંદર, ભાવનગર અને ગીર સોમનાથ સહિતના વિસ્તારોમાં ગાજવીજ અને પવન સાથે વરસાદ થવાની ચેતવણી જાહેર થઈ છે. હવામાન નિષ્ણાતો મુજબ, મેઘરાજા આગામી દિવસોમાં પણ પોતાની “ઇનિંગ્સ” ચાલુ રાખશે.
