ભારતીય અવકાશ સંસ્થા (ISRO) આજે એક વધુ ઇતિહાસ રચે તેવી તૈયારીમાં છે. આંધ્રપ્રદેશના શ્રીહરિકોટાથી લોન્ચ વ્હીકલ માર્ક-૩ (LVM3-M5) દ્વારા 4,410 કિલોગ્રામ વજનનો CMS-03 ઉપગ્રહ લોન્ચ કરવામાં આવશે. સાંજે 5.26 વાગ્યે થનારા આ લોન્ચ સાથે ISRO પોતાના અત્યાર સુધીના સૌથી ભારે કોમ્યુનિકેશન સેટેલાઇટને અવકાશમાં સ્થાપિત કરશે. અંદાજે ₹500 કરોડના આ મિશન દ્વારા ISROની સ્વદેશી લોન્ચિંગ ક્ષમતામાં વધુ વધારો થશે. આ જ રોકેટના સુધારેલા વર્ઝન દ્વારા આગામી ‘ગગનયાન’ માનવ મિશન પણ હાથ ધરાશે.
