વારાણસીથી મુંબઈ જતી અકાસા એરની ફ્લાઇટ (QP 1497) માં એક પેસેન્જરે અચાનક ઇમરજન્સી એક્ઝિટ ડોર ખોલવાનો પ્રયાસ કરતાં મુસાફરોમાં હલચલ મચી ગઈ હતી.
ઘટના વિમાન પાર્કિંગ બે પર ઊભું હતું ત્યારે બની હતી. કેબિન ક્રૂએ તરત જ પગલાં લઈ પાઇલટને જાણ કરી, બાદમાં વિમાનને એપ્રોન પર પાછું લાવવામાં આવ્યું અને મુસાફરને નીચે ઉતારી અધિકારીઓને સોંપી દેવામાં આવ્યો.
અકાસા એરનાં પ્રવક્તાએ જણાવ્યું કે તમામ મુસાફરો અને ક્રૂ સુરક્ષિત છે, અને એન્જિનિયરિંગ ટીમે વિમાનનું નિરીક્ષણ કર્યા બાદ ફ્લાઇટને રાત્રે 9 વાગ્યે રવાના કરવાની મંજૂરી આપી હતી.
પોલીસ પૂછપરછમાં મુસાફર સુજીત સિંહ (જૌનપુર, ઉત્તર પ્રદેશ) એ કહ્યું કે તેણે આ પગલું ફક્ત જિજ્ઞાસાથી લીધું હતું.
એરલાઇન્સે ઘટનાની માહિતી ડાયરેક્ટોરેટ જનરલ ઓફ સિવિલ એવિએશન (DGCA) ને આપી છે અને વધુ તપાસ શરૂ થઈ છે.
