દિલ્લી: શિયાળાની શરૂઆત સાથે જ દિલ્હીમાં વાયુ પ્રદૂષણનું સ્તર ગંભીર બન્યું છે. ઇન્સ્ટિટ્યૂટ ફોર હેલ્થ મેટ્રિક્સ એન્ડ ઇવેલ્યુએશન (IHME) ના ડેટા મુજબ 2023 માં દિલ્હીમાં લગભગ 17,188 મૃત્યુ PM2.5 પ્રદૂષણના કારણે થયા, એટલે દર 7માંથી 1 મોત વાયુ પ્રદૂષણને કારણે. તંત્રએ કેટલીક યોજનાઓ લાગુ કરી હોવા છતાં પ્રદૂષણ સંબંધિત મૃત્યુમાં વધારો થયો છે. વિશેષજ્ઞો હેલ્થ ઈમરજન્સી જાહેર કરવાની માગ કરી રહ્યા છે, કારણ કે વાયુ પ્રદૂષણ માત્ર પર્યાવરણીય સમસ્યા નહીં, પરંતુ જાહેર આરોગ્ય માટે ગંભીર જોખમ છે.
