અમદાવાદઃ પેન્શન મંત્રાલય અને પેન્શનરોના કલ્યાણ વિભાગ (DoPPW) દ્વારા 1 થી 30 નવેમ્બર 2025 સુધી રાષ્ટ્રવ્યાપી ડિજિટલ લાઇફ સર્ટિફિકેટ ઝુંબેશ 4.0 યોજાઈ રહી છે. આજથી અમદાવાદના પાલડીમાં ટાગોર હોલ ખાતે મેગા કેમ્પ યોજાયું, જ્યાં પેન્શનરોને ડિજિટલ મોડ દ્વારા લાઇફ સર્ટિફિકેટ સબમિટ કરવામાં મદદ કરવામાં આવી રહી છે. આ ઝુંબેશમાં આધાર-આધારિત ફેસ ઓથેન્ટિકેશન ટેકનોલોજીનો ઉપયોગ કરવામાં આવે છે, જેનાથી બાયોમેટ્રિક ઉપકરણ વગર પણ સર્ટિફિકેટ સરળતાથી સબમિટ કરી શકાય છે. ગુજરાતમાં કુલ 82 શહેરો અને 107 સ્થળોએ આ કેમ્પ યોજાશે, જેમાં નોડલ અધિકારીઓ દ્વારા સંચાલન કરવામાં આવશે.
