પાકિસ્તાનમાં 27મા બંધારણીય સુધારા સાથે ન્યાયતંત્રની સ્વતંત્રતા પર ગંભીર ચિંતાનો માહોલ ઊભો થયો છે. સુધારાને મંજૂરી મળતાં જ સુપ્રીમ કોર્ટના વરિષ્ઠ ન્યાયાધીશો મન્સૂર અલી શાહ અને અતહર મિનલ્લાહે પોતાના પદ પરથી રાજીનામું આપી દીધું. તેઓએ સુધારાને બંધારણ પર હુમલો અને ન્યાયતંત્રને કાર્યકારી દબાણ હેઠળ લાવવાનું કહ્યું છે. નિષ્ણાતો ચેતવણી આપે છે કે આ સુધારો પાકિસ્તાનના ભવિષ્યમાં ગંભીર બંધારણીય પરિણામો ઊભા કરી શકે છે.
