અમદાવાદમાં BRTS બસના અંકુશ વગરના રફતર કાંડનો એક વધુ બનાવ સામે આવ્યો છે. ખોડિયારનગર ખાતે ટ્રેક ક્રોસ કરતા 29 વર્ષીય ફુલેન્દ્ર પ્રસાદને પૂરપાટ ઝડપે આવતી બસે જોરદાર ટક્કર મારી, જેના કારણે તેનું ઘટનાસ્થળે જ મોત થયું. ફુલેન્દ્ર પ્રસાદ ઉત્તર પ્રદેશનો રહેવાસી હતો અને રોજગારી માટે અમદાવાદમાં આવ્યો હતો. ઘટનાની જાણ થતાં જ ટ્રાફિક પોલીસે સ્થળ પર પહોંચી બસ ડ્રાઇવરને કસ્ટડીમાં લીધો છે અને તપાસ શરૂ કરી છે. અકસ્માત બાદ વિસ્તારમાં દહેશત અને શોકનો માહોલ જોવા મળ્યો.
