આણંદ જિલ્લાના ગાના-દેવરાજપુરા ગામમાં ચોંકાવનારી ઘટના સામે આવી છે. પત્ની રિસાઈને ઘર છોડીને જતા પતિએ દુઃખમાં 60 મીટર ઊંચા હાઈટેન્શન ઇલેક્ટ્રિક ટાવર પર ચઢી ગયો, જેના કારણે ગામમાં ભારે ચકચાર મચી ગઈ. સ્થાનિક લોકોએ તરત જ પોલીસ અને ફાયરબ્રિગેડને જાણ કરી. ફાયરબ્રિગેડની ટીમે વીજ પુરવઠો બંધ કરાવીને યુવકને સલામત રીતે નીચે ઉતાર્યો. હાલમાં આણંદ રૂરલ પોલીસે મામલે વધુ તપાસ હાથ ધરી છે.
