રાજસ્થાનના ફલોદી જિલ્લાના ભારતમાલા એક્સપ્રેસવે પર રવિવારે સાંજે એક ટેમ્પો ટ્રાવેલર ટ્રકમાં ઘૂસી જતા ભયંકર અકસ્માત સર્જાયો. આ અકસ્માતમાં 15 લોકોના ઘટનાસ્થળ પર જ મોત નિપજ્યાં અને 16 ઇજાગ્રસ્તોને તાત્કાલિક હોસ્પિટલ ખસેડવામાં આવ્યા.
ડીએસપી અચલસિંહ દેવડાએ જણાવ્યું કે, ટેમ્પો ટ્રાવેલરની સીટો અને લોખંડના પાઈપો વચ્ચે અનેક શબ ફસાઈ ગયા હતા, જેને બહાર કાઢવામાં પોલીસ અને સ્થાનિક લોકોને ભારે મેહનત ઉઠાવવી પડી.
રાજસ્થાનના મુખ્યમંત્રી ભજનલાલ શર્માએ દુઃખ વ્યક્ત કર્યું અને ઇજાગ્રસ્તોને ઝડપી સારવાર માટે તંત્રને સૂચના આપી.
