ઓટાવા: ભારતીય વિદ્યાર્થીઓ માટે કેનેડામાં અભ્યાસ કરવાની તક હવે વધારે મુશ્કેલ બની ગઈ છે. રિપોર્ટ અનુસાર, 2025ના ઓગસ્ટ મહિનામાં કેનેડિયન શૈક્ષણિક સંસ્થાઓમાં અભ્યાસ માટે અરજી કરનારા ભારતીય વિદ્યાર્થીઓની લગભગ 75% અરજીઓ નકારી દેવાઈ છે.
કેનેડાએ આંતરરાષ્ટ્રીય વિદ્યાર્થીઓની ચકાસણી પ્રક્રિયા કડક કરી છે અને નાણાકીય જરૂરિયાતોમાં વધારો કર્યો છે. જો કે, આ પ્રતિબંધો ખાસ કરીને ભારતીય વિદ્યાર્થીઓ પર સૌથી વધુ અસરકારક સાબિત થયા છે. છેલ્લા બે વર્ષમાં સ્ટડી પરમિટ માટે ભારતીય વિદ્યાર્થીઓની સંખ્યા નોંધપાત્ર રીતે ઘટી છે – ઓગસ્ટ 2023માં 20,900 અરજીઓ કરતા ઓગસ્ટ 2025માં માત્ર 4,515 અરજીઓ મળી છે.
કેનેડા સરકારના પગલાંઓનો હેતુ નકલી દસ્તાવેજો અને છેતરપિંડીને ઘટાડવાનો છે, પરંતુ ભારતીય વિદ્યાર્થીઓ માટે આ સ્થિતિ ચિંતાજનક બની રહી છે.
