વર્ષ 2020માં ખેડૂતોને પાકના નુકસાન સામે રક્ષણ આપવા માટે જાહેર કરાયેલી મુખ્યમંત્રી કિસાન પાક વિમા સહાય યોજનાનો ગુજરાતમાં આજદિન સુધી અમલ થયો નથી. અન્ય રાજ્યોમાં આ યોજના કાર્યરત હોવા છતાં ગુજરાતમાં માત્ર કૃષિ પેકેજ સહાય જ આપવામાં આવે છે, જે અપૂરતી સાબિત થઈ રહી છે. માવઠા અને કુદરતી આફતોથી ખેતરમાં ઉભેલા પાકને ભારે નુકસાન થતાં ખેડૂતો વળતર અને ધિરાણ માફીની માંગ કરી રહ્યા છે. રાજ્ય સરકારે 42 લાખ હેક્ટર ખેતીને નુકસાન થયાનું સ્વીકાર્યું છે, પરંતુ સહાય રકમને લઈને સરકાર મૂંઝવણમાં છે.
