વોશિંગ્ટન ડીસી: અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યું કે તેઓ આ મહિનાના અંતમાં સાઉથ આફ્રિકામાં યોજાનારી જી-20 સમિટમાં ભાગ નહીં લેશે. મિયામીમાં બિઝનેસ ફોરમને સંબોધતા ટ્રમ્પે સ્પષ્ટ કર્યું કે, “સાઉથ આફ્રિકા જી ગ્રુપમાં રહેવું યોગ્ય નથી. ત્યાં જે ચાલી રહ્યું છે તે ખરાબ છે, અને હું આપણા દેશનું પ્રતિનિધિત્વ નહીં કરું.”
આ સમિટ 22-23 નવેમ્બર 2025માં જોહાનિસબર્ગમાં યોજાશે અને પ્રથમ વખત આફ્રિકામાં યોજાઇ રહી છે. ભારત 2023માં જી-20 અધ્યક્ષ તરીકે યજમાની કરી ચૂક્યું છે. જી-20 સમિટમાં અમેરિકા, ભારત, જર્મની, જાપાન, ચીન, બ્રાઝિલ, દક્ષિણ કોરિયા, સાઉદી અરેબિયા, દક્ષિણ આફ્રિકા અને અન્ય મોટા દેશો સામેલ છે.
