ગુજરાતમાં કમોસમી વરસાદના વિરામ બાદ શિયાળાએ ધીમે ધીમે દસ્તક આપી દીધું છે. હવામાન વિભાગના અહેવાલ મુજબ છેલ્લા ૨૪ કલાકમાં સમગ્ર રાજ્ય, સૌરાષ્ટ્ર-કચ્છ અને દીવ, દમણ, દાદરા નગર હવેલીમાં હવામાન સુકું રહ્યું.
કચ્છમાં ખાસ કરીને નલિયા રાત્રિનું લઘુત્તમ તાપમાન ૧૫°C નોંધાયું, જેનાથી નલિયા રાજ્યનું સૌથી ઠંડું સ્થળ બની ગયું છે. ઉત્તર ગુજરાતમાં તાપમાન હજુ સામાન્ય કરતાં વધુ છે. રાજ્યના અન્ય શહેરોમાં મહત્તમ તાપમાન ૩૧°C થી ૩૫°C વચ્ચે નોંધાયું છે, જ્યારે લઘુત્તમ તાપમાન ૨૦°C થી ૨૧°C સુધી રહ્યું.
