રાજકોટની 15 વર્ષીય દુષ્કર્મ પીડિત સગીરાના 25 સપ્તાહના ગર્ભના ગર્ભપાત માટે માતા-પિતાએ ગુજરાત હાઇકોર્ટમાં અરજી કરી હતી. મેડિકલ રિપોર્ટ મુજબ સગીરાને કોઈ ગંભીર લક્ષણો ન હોવાને આધારે હાઇકોર્ટએ ગર્ભપાતની મંજૂરી આપી હતી. કોર્ટએ પીડીયુ હોસ્પિટલને સગીરાની તપાસ અને ગર્ભપાત પહેલાં તથા બાદ યોગ્ય સારવાર અને કાળજી રાખવાના નિર્દેશ આપ્યા છે. સાથે જ જો બાળક જીવિત જન્મે તો તેની યોગ્ય સંભાળ તથા કાયદેસરની કાર્યવાહી સુનિશ્ચિત કરવા પણ આદેશ આપ્યો છે.
