દિલ્હી બ્લાસ્ટ કેસની તપાસ દરમિયાન મોટો ખુલાસો સામે આવ્યો છે. ધરપકડ કરાયેલા ડૉ. મુજમ્મિલે પૂછપરછ દરમિયાન સ્વીકાર્યું છે કે તેણે અને ડૉ. ઉમરે 26 જાન્યુઆરીએ લાલ કિલ્લા પર હુમલો કરવાની યોજના બનાવી હતી. તપાસમાં તેમના ફોન ડેટામાંથી લાલ કિલ્લાની રેકી કર્યાના પુરાવા પણ મળ્યા છે. પોલીસે જૈશ-એ-મોહમ્મદ આતંકી મોડ્યુલ સાથે તેમના સંબંધની તપાસ શરૂ કરી છે. હાલ સુધી 13 લોકોના મોત થયા છે અને અનેક ઘાયલ છે, જ્યારે NIA અને સુરક્ષા એજન્સીઓ સતત ચકાસણીમાં લાગી છે.
