પ્રધાનમંત્રી જનઆરોગ્ય યોજના (PMJAY) અંતર્ગત ગુજરાતમાં આરોગ્ય ખર્ચ સતત વધી રહ્યો છે. વર્ષ 2024–25 દરમિયાન રાજ્યમાંથી 13.54 લાખથી વધુ સારવારના દાવા થયા છે, જેના કારણે દરરોજ સરેરાશ ₹10 કરોડથી વધુ ખર્ચ થઈ રહ્યો છે. આ ખર્ચમાં અમદાવાદ જિલ્લો પ્રથમ ક્રમે છે.
પ્રધાનમંત્રી જનઆરોગ્ય યોજના (આયુષ્યમાન ભારત) હેઠળ વર્ષ 2024–25માં ગુજરાતમાંથી કુલ 13,54,481 દાવા નોંધાયા છે, જેની કુલ રકમ ₹3,719.14 કરોડ સુધી પહોંચી છે. આ આંકડાઓ મુજબ રાજ્યમાં દરરોજ સરેરાશ ₹10.18 કરોડનો ખર્ચ માત્ર સારવાર પાછળ થઈ રહ્યો છે.
ગયા નાણાકીય વર્ષ 2023–24માં આ યોજના હેઠળ કુલ ₹3,510.63 કરોડના દાવા થયા હતા. આમ, એક વર્ષમાં આરોગ્ય ખર્ચમાં નોંધપાત્ર વધારો થયો હોવાનું સ્પષ્ટ થાય છે.
