અમરેલી જિલ્લામાં સાવરકુંડલામાં અચાનક લાગેલા વરાછાના ધારાસભ્ય કુમાર કાનાણીના બેનરોને લઈ રાજકારણમાં ચકચાર મચી ગઈ છે. બેનર પર લખાયું છે — “ખેડૂતોની વેદના સમજવા બદલ અને માફી માટે રજૂઆત કરવા બદલ વરાછાના ધારાસભ્ય કુમાર કાનાણીનો ખૂબ ખૂબ આભાર.”
આ બેનર કોણે લગાવ્યા તે હજી સ્પષ્ટ નથી, પરંતુ તેને લઈ સાવરકુંડલા અને અમરેલીના રાજકીય વર્તુળોમાં ગરમાવો છે.
થોડા દિવસ પહેલાં જ કુમાર કાનાણીએ મુખ્ય પ્રધાનને પત્ર લખી બિનજરૂરી પ્રોજેક્ટો રોકી ખેડૂતોને દેવા મુક્ત કરવાની સલાહ આપી હતી. હવે આ બેનર તેની સાથે જોડાઈ ચર્ચાનો વિષય બન્યું છે.
સ્થાનિક સ્તરે ચર્ચા છે કે બેનર હટાવાય તો વિવાદ, અને ન હટાવાય તો પણ વિવાદ — બંને સંભાવનાઓ વચ્ચે સાવરકુંડલાનું રાજકારણ ઉકળે છે.
