ભરૂચના અંકલેશ્વર GIDC વિસ્તારમાં આવેલી હરીહર કેમિકલ્સ ટ્રેડિંગ કંપનીના ગોડાઉન પર LCBએ દરોડો પાડી ₹23.68 લાખના અત્યંત જ્વલનશીલ કેમિકલ્સનો જથ્થો ઝડપી પાડ્યો.
સ્થળ પરથી કુલ 125 બેરલ અને 27,500 લીટર કેમિકલ્સ કબ્જે લેવાયા હતા. પોલીસ તપાસમાં ખુલ્યું કે માલિક કિશોર ઉર્ફે અલ્પેશ પટેલ છેલ્લા આઠ વર્ષથી લાયસન્સ અને ફાયર સેફટી વિના જોખમી વેપાર ચલાવી રહ્યો હતો.
તે રાયગઢ અને સાયખા GIDCની કંપનીઓ પાસેથી કેમિકલ્સ ખરીદી પોતાના ગોડાઉનમાં ગેરરીતે સંગ્રહ કરતો અને અન્ય ઉદ્યોગોને વેચતો હતો.
પોલીસે કેસ નોંધ્યો છે અને તપાસ વધુ ઊંડાણપૂર્વક શરૂ કરી છે.
