રાજ્ય સરકારે ઔદ્યોગિક વિસ્તરણને પ્રોત્સાહન આપવા મહત્વપૂર્ણ નિર્ણય લીધો છે. શહેરી વિકાસ સત્તામંડળો અને મહાનગરપાલિકાઓની મર્યાદામાં આવેલા ઔદ્યોગિક એકમોને હવે 0.6 વધારાની ફ્લોર સ્પેસ ઇન્ડેક્સ (એફએસઆઈ) આપવામાં આવશે.
નવી જોગવાઈ મુજબ, ઔદ્યોગિક પાર્કના એકમો હવે કુલ 1.6 એફએસઆઈ (મૂળભૂત 1.0 + વધારાની 0.6) નો લાભ લઈ શકશે. આ વધારાની એફએસઆઈ માટે રાજ્ય સરકાર દ્વારા નક્કી કરેલા જંત્રી દર મુજબ ચાર્જ વસૂલાશે.
આ નિર્ણય ગુજરાત ઔદ્યોગિક નીતિ – 2020 હેઠળ લેવામાં આવ્યો છે, જે લાંબા સમયથી ચાલતી જીઆઈડીસી અને બિન-જીઆઈડીસી વિસ્તારો વચ્ચેની વિસંગતતા દૂર કરશે.
સરકારનું માનવું છે કે આ પગલું ઔદ્યોગિક વિકાસ, જમીનનો કાર્યક્ષમ ઉપયોગ અને રોજગાર સર્જનમાં વધારો લાવશે તેમજ શહેરી વિસ્તારોમાં વધુ રોકાણ આકર્ષશે.
