અમદાવાદ જિલ્લાના બાવળા પંથકમાં ઓવરલોડ અને બેફામ દોડતા ડમ્પરોનો આતંક યથાવત છે. બલદાણા–બેગામડા રોડ પર હિટ એન્ડ રનની ઘટનામાં એક બેફામ ડમ્પરે બાઈક સવાર યુવા તબીબને અડફેટે લેતા તેમનું કરુણ મોત નીપજ્યું. હેલ્મેટ પહેરેલું હોવા છતાં ડમ્પરના ભારે વજનને કારણે માથું કચડાઈ ગયું હતું. અકસ્માત બાદ ડમ્પર ચાલક ફરાર થઈ ગયો છે, જ્યારે પોલીસે તપાસ શરૂ કરી છે. આ ઘટનાને લઈ સ્થાનિકોમાં તંત્ર સામે ભારે રોષ જોવા મળી રહ્યો છે.
