ગુજરાતમાં અચાનક વાતાવરણમાં બદલાવ સાથે કમોસમી વરસાદે હાહાકાર મચાવ્યો છે. છેલ્લા 24 કલાકમાં રાજ્યના 118 તાલુકાઓમાં માવઠું નોંધાયું છે, જેમાં સૌરાષ્ટ્રના પોરબંદરમાં સૌથી વધુ 2.83 ઇંચ વરસાદ પડ્યો. ધંધુકા, લોધિકા, સંખેડા, ઉમરાળા અને ચુડા સહિત અનેક વિસ્તારોમાં પણ ભારે વરસાદના અહેવાલ છે. સતત પડતા વરસાદને કારણે ખેડૂતોની ચિંતા વધી છે, કારણ કે પાકોને નુકસાન પહોંચવાની શક્યતા છે. હવામાન વિભાગે આગામી દિવસોમાં પણ છૂટાછવાયા વરસાદની સંભાવના વ્યક્ત કરી છે.
