આંધ્ર પ્રદેશના વેંકટેશ્વર સ્વામી મંદિરમાં એકાદશી પૂજાના અવસર પર ૨૫ હજારથી વધુ શ્રદ્ધાળુ એકઠા થયા હતા. ભીડના કારણે ધક્કામુક્કી બની, જેમાં ૮ મહિલાઓ અને ૧ બાળકના મોત થયા અને ૩૦થી વધુ લોકો ઘાયલ થયા. મંદિરમાં આવવા-જવાનો એક જ રસ્તો હતો અને રેલિંગ તૂટી જતા સ્થિતિ વધારે ગંભીર બની. મુખ્યમંત્રી ચંદ્રાબાબુ નાયડુએ ઘટનાની તપાસના આદેશ આપ્યા છે અને વડાપ્રધાન નરેન્દ્ર મોદીએ મૃતકોના પરિવારને સહાયની જાહેરાત કરી છે. આ વર્ષે આંધ્રમાં મંદિરોમાં ત્રણ મોટી ભીડ ઘટનાઓ થઈ ચુકી છે.
