અમેરિકા અને ભારત વચ્ચે ચાલી રહેલા ટેરિફ વોરની ગંભીર અસર ભારતની નિકાસ પર પડી છે. ગ્લોબલ ટ્રેડ રિસર્ચ ઇનિશિયેટિવના આંકડાઓ મુજબ મે થી સપ્ટેમ્બર 2025 દરમિયાન ભારતની અમેરિકામાં નિકાસમાં 37.5 ટકાનો ઘટાડો નોંધાયો છે — જે અત્યાર સુધીનો સૌથી મોટો ઘટાડો ગણાય છે.
ટેરિફ 10% થી વધારીને 50% કરાતા ભારતની નિકાસ $8.8 બિલિયનથી ઘટીને $5.5 બિલિયન થઈ ગઈ. ખાસ કરીને સ્માર્ટફોન (58%), રત્ન-ઝવેરાત (60%), ફાર્મા (15.7%) અને ઇન્ડસ્ટ્રીયલ મેટલ (16.7%) ક્ષેત્રો પર ભારે અસર જોવા મળી.
અહેવાલ મુજબ ટેરિફ-મુક્ત માલ પર પણ સૌથી વધુ ઝાટકો લાગ્યો છે અને થાઈલેન્ડ તથા વિયેતનામ જેવા દેશોએ હવે ભારતનો બજાર હિસ્સો કબજે કરવાનું શરૂ કર્યું છે.
