ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા (ICAI) દ્વારા સપ્ટેમ્બર 2025માં લેવાયેલી ફાઇનલ, ઇન્ટરમીડિયેટ અને ફાઉન્ડેશન પરીક્ષાઓના પરિણામો આજે જાહેર થવાના છે.
સત્તાવાર માહિતી મુજબ, ફાઇનલ અને ઇન્ટરમીડિયેટ કોર્સના પરિણામો બપોરે 2 વાગ્યે, જ્યારે ફાઉન્ડેશન કોર્સના પરિણામો સાંજે 5 વાગ્યે જાહેર થશે.
ઉમેદવારો તેમના પરિણામો ICAIની સત્તાવાર વેબસાઇટ icai.nic.in પરથી રજીસ્ટ્રેશન નંબર અને ઓળખપત્રની મદદથી ચકાસી શકશે.
આ પરિણામોની આતુરતાપૂર્વક રાહ જોતા હજારો ઉમેદવારો માટે આજનો દિવસ અત્યંત મહત્વનો છે.
