રાજ્યમાં પેરામેડિકલ કોર્સો પ્રત્યે વિદ્યાર્થીઓનો ઉત્સાહ ઘટતો જોવા મળી રહ્યો છે. વર્ષ 2025-26 માટેના પ્રવેશ પ્રક્રિયાના પાંચમા રાઉન્ડ બાદ પણ કુલ 51,790 બેઠકોમાંથી 31,870 બેઠકો ખાલી રહી છે. નર્સિંગ, ફિઝિયોથેરાપી, ઓક્યુપેશનલ થેરાપી અને અન્ય કોર્સોમાં ઓછા વિદ્યાર્થીઓએ પ્રવેશ લીધો છે. આ રાઉન્ડમાં માત્ર 3,143 ઉમેદવારોએ પ્રવેશ મેળવ્યો હતો. જીપીએનએએમઈસી કમિટીએ નવી ફાળવાયેલી બેઠકો કન્ફર્મ કરવા માટે વિદ્યાર્થીઓને 11 નવેમ્બર સુધીનો સમય આપ્યો છે.
