દેશભરમાં 7 નવેમ્બરે રાષ્ટ્રગીત *“વંદે માતરમ”*ના 150 વર્ષ પૂર્ણ થવા નિમિત્તે ઉજવણી યોજાશે, જેમાં વડા પ્રધાન નરેન્દ્ર મોદી નવી દિલ્હીમાં યોજાનારા મુખ્ય સમારંભમાં ઉપસ્થિત રહેશે. પરંતુ જમ્મુ-કશ્મીરમાં કેટલાક ઈસ્લામિક સંગઠનોએ આ કાર્યક્રમને “ઇસ્લામ વિરોધી” ગણાવી વિરોધ વ્યક્ત કર્યો છે. મુત્તાહિદા મજલિસ-એ-ઉલેમાએ શાળાઓમાં વંદે માતરમના કાર્યક્રમ ફરજિયાત કરવા સરકારના આદેશનો વિરોધ કરતાં તેને ધાર્મિક માન્યતાઓ વિરુદ્ધ ગણાવ્યો છે. બીજી તરફ કેન્દ્ર સરકારે જણાવ્યું છે કે આ રાષ્ટ્રીય સ્તરની સાંસ્કૃતિક ઉજવણી છે, જેમાં દેશભરમાં 7થી 26 નવેમ્બર સુધી વિવિધ કાર્યક્રમો યોજાશે.
