બિહાર વિધાનસભા ચૂંટણીના પ્રથમ તબક્કામાં નાલંદા અને પટનાના કેટલાક મતદાન કેન્દ્રોએ ટેક્નિકલ ખામીનો સામનો કર્યો હતો. અસ્થાવનના જક્કી ગામમાં અને પટનાના માનેર વિસ્તારમાં EVM ખરાબ થતા મતદાન થોડા સમય માટે અટકાવી દેવું પડ્યું, જોકે ટેક્નિકલ ટીમે તાત્કાલિક મશીનો બદલી મતદાન ફરી શરૂ કરાવ્યું. બીજી તરફ મોકામા બેઠક પર મહિલા મતદાતાઓની લાંબી કતારો જોઈને લોકશાહી પ્રત્યેનો ઉત્સાહ સ્પષ્ટ જોવા મળ્યો. તેજસ્વી યાદવના “નવું બિહાર”ના નારા અને નેતાઓના આત્મવિશ્વાસથી ચૂંટણીનું માહોલ વધુ ગરમ બન્યું છે.
