બિહાર વિધાનસભા ચૂંટણીના પ્રથમ તબક્કામાં ગાયન જગતમાંથી રાજકારણમાં પ્રવેશ કરનાર મૈથિલી ઠાકુર પણ મેદાનમાં છે. અલીનગર બેઠક પરથી ભાજપ ઉમેદવાર તરીકે લડતી મૈથિલીએ કહ્યું કે જો તે જીતશે તો સાંસ્કૃતિક કેન્દ્ર, કેન્દ્રીય વિદ્યાલય, ડિગ્રી કૉલેજ અને ગ્રામિણ રસ્તાઓના વિકાસ પર ધ્યાન આપશે. સૌથી નાની ઉંમરના ઉમેદવાર તરીકે મૈથિલી ઠાકુરે કહ્યું કે, “મારી પાસે રાજકીય અનુભવ ઓછો છે, પરંતુ લોકો મોદીજી અને નીતીશજીના કામોથી ખુશ છે, હું તેમની વચ્ચે જઈ આશીર્વાદ માગું છું.” જો તેઓ ચૂંટાય તો રાજ્યની સૌથી યુવા ધારાસભ્ય બનશે.
