બેઇજિંગ: રશિયન રાષ્ટ્રપતિ વ્લાદિમીર પુટિનની તાજેતરની ભારત મુલાકાત પર ચીને સોમવારે સકારાત્મક પ્રતિસાદ આપ્યો હતો. ચીનના વિદેશ મંત્રાલયના પ્રવક્તા ગુઓ જિયાકુને જણાવ્યું કે ચીન-રશિયા-ભારત ત્રિપક્ષીય સહકાર ‘ગ્લોબલ સાઉથ’ માટે મહત્વપૂર્ણ છે અને ત્રણ દેશો વચ્ચેના મજબૂત સંબંધો પ્રદેશ અને વિશ્વમાં શાંતિ-સ્થિરતા તેમજ સુરક્ષા માટે લાભદાયક બની શકે છે.
પ્રવક્તાએ વધુમાં કહ્યું કે ત્રણેય દેશો ઉભરતા અર્થતંત્રો છે અને તેમના પરસ્પર હિતો માટે મજબૂત સંબંધો જરૂરી છે. પુટિનની દિલ્હી મુલાકાત અને PM નરેન્દ્ર મોદીની સાથે થયેલી બેઠકને લઈને ચીનનો આ પહેલો સત્તાવાર પ્રતિભાવ છે.
