લન્ડન: યુક્રેનના રાષ્ટ્રપતિ વોલોદિમીર ઝેલેન્સ્કી સોમવારે ફ્રાંસ, જર્મની અને બ્રિટનના નેતાઓ સાથે 10 ડાઉનિંગ સ્ટ્રીટ ખાતે બેઠક માટે લન્ડન પહોંચ્યા. રશિયા-યુક્રેન યુદ્ધને પૂર્ણ કરવા માટે અમેરિકાએ ટેકો આપેલી શાંતિ યોજનાને મજબૂત બનાવવા યુરોપીય દેશો આ ચર્ચાને નિર્ણાયક માને છે.
બ્રિટિશ PM કિઅર સ્ટાર્મર, ફ્રેન્ચ રાષ્ટ્રપતિ ઈમેન્યુઅલ મેક્રોન અને જર્મન ચાન્સેલર ફ્રિડરિખ મર્ઝ સાથેની બેઠકમાં સુરક્ષા, એર ડિફેન્સ અને યુક્રેન માટે લાંબા ગાળાના નાણાકીય ટેકા પર ચર્ચા થશે.
ઝેલેન્સ્કીએ રવિવારે જણાવ્યું હતું કે લન્ડન અને બ્રસેલ્સની આ મુલાકાત દરમિયાન યુરોપ અને અમેરિકાની સુરક્ષા ખાતરીઓને મજબૂત કરવા પર ખાસ ભાર મૂકવામાં આવશે, જેથી ભવિષ્યમાં રશિયા ફરી હુમલો ન કરી શકે.
