મહારાષ્ટ્રની નગરપાલિકા ચૂંટણીને લઈને BJP અને એકનાથ શિંદેની શિવસેના વચ્ચે ચાલી રહેલા મતભેદો બાદ હવે રાજકારણમાં નવી હલચલ જોવા મળી છે. નાગપુરમાં સોમવારે મોડી રાત્રે મુખ્યમંત્રી દેવેન્દ્ર ફડણવીસ અને એકનાથ શિંદે વચ્ચે દોઢ કલાકથી વધુ ચાલેલી બંધબારણે બેઠકમાં મહાયુતિ તરીકે સંયુક્ત રીતે ચૂંટણી લડવાનો મોટા સ્તરે નિર્ણય લેવામાં આવ્યો છે.
બેઠકમાં બંને પક્ષો વચ્ચે વધેલો તણાવ ઓછો કરવા, કાર્યકરોની અવરજવર રોકવા અને સ્થાનિક સ્તરના મતભેદ દૂર કરવા મુદ્દે ચર્ચા થઈ. સૂત્રો અનુસાર, મુંબઈ, થાણે સહિત રાજ્યભરમાં મહાયુતિ તરીકે નગરપાલિકા ચૂંટણી લડવા અંગે સકારાત્મક સંકેતો મળી રહ્યા છે.
કેબિનેટ બેઠકનો બહિષ્કાર અને નેતાઓને પાર્ટી પરિવર્તન કરવાની પરવાનગી ન આપવાના મુદ્દે શિંદે કેમ્પની નારાજગી હતી, જે હવે આ ચર્ચાઓ બાદ દૂર થતી દેખાઈ રહી છે. આગામી દિવસોમાં સ્થાનિક સ્તરે નેતાઓ વચ્ચે બેઠક અને બેઠકવાટા અંગે ચર્ચા થશે.
