અમદાવાદના વાળીનાથ ચોક નજીક થયેલા ભયાનક અકસ્માતમાં જમાઈની ખબર લેવા જતા દંપતી પર AMCના ડમ્પરે ટક્કર મારી, જેમાં પત્ની ગાયત્રીબેન પ્રજાપતિનું ઘટના સ્થળે જ મોત નીપજ્યું. તેમના પતિ મનોજભાઈને સામાન્ય ઈજાઓ પહોંચી છે અને તેમને સારવાર અર્થે સોલા સિવિલ હોસ્પિટલમાં ખસેડવામાં આવ્યા છે. આ સમગ્ર ઘટનાનું CCTV ફૂટેજ સામે આવ્યું છે, જેમાં દંપતીને ડમ્પર કેવી રીતે કચડતો દેખાય છે તે સ્પષ્ટ જોવા મળે છે. પરિવાર માટે આ દુઃખદ ઘટનાએ ભારે આઘાત પેદા કર્યો છે, જેમાં 12 અને 23 વર્ષની એમ બે દીકરીઓ માતાને ગુમાવી બેસી છે. પોલીસ ડમ્પરચાલક વિરુદ્ધ ગુનો નોંધીને તપાસમાં લાગી છે.
