જામનગરના ગુલાબ નગર નજીક સિન્ડિકેટ સોસાયટીમાં ફુલ સ્પીડમાં કાર ચલાવવાના મુદ્દે પડોશીઓમાં ઘર્ષણ થયું, જેમાં એક યુવાન રીપલ પર ચાર પાડોશીઓએ જોરદાર હુમલો કર્યો અને તેનું માથું ફોડી નાખ્યું. ઇજાગ્રસ્ત યુવાનને સારવાર માટે જી.જી. હોસ્પિટલ ખસેડવામાં આવ્યો, જ્યાં તેને છ ટાંકા લેવા પડ્યા. યુવાનને બચાવવા નીકળેલી તેની માતા અને કાકી જાગૃતીબેન પર પણ હુમલો થયો હતો. પોલીસ દ્વારા તમામ આરોપીઓને શોધી પૂછપરછ માટે કાર્યવાહી હાથ ધરવામાં આવી છે.
