ઇન્ડિગો એરલાઇન્સમાં ચાલતા ફ્લાઇટ કેન્સલેશન સંકટે દિલ્હીની અર્થવ્યવસ્થાને મોટો ઝટકો આપ્યો છે. CTIના ચેરમેન બ્રિજેશ ગોયલ મુજબ, વેપાર, પર્યટન, હોટેલ-રેસ્ટોરન્ટ અને ઇવેન્ટ ઉદ્યોગને મળીને ₹1000 કરોડથી વધુનું નુકસાન થયું છે. છેલ્લા 10 દિવસમાં દિલ્હીમાં બહારથી આવતાં લોકોની સંખ્યામાં 25% ઘટાડો, હજારો બુકિંગ રદ અને 4500થી વધુ ફ્લાઇટ્સ રદ થવાથી બજારોની રોનક ઘટી ગઈ છે.
મુસાફરી ઓછા થતાં એક્ઝિબિશન, ડેસ્ટિનેશન વેડિંગ, ટ્રાવેલ-ટુરિઝમ અને રોકાણકારોને પણ મોટો ફટકો પડ્યો છે, જ્યારે ઇન્ડિગોની પેરન્ટ કંપનીના શેરમાં 12%નો કડાકો જોવા મળ્યો છે.
