પંચમહાલ જિલ્લાના ગોધરા તાલુકામાં કમોસમી વરસાદ અને માવઠાથી થયેલા પાક નુકસાનના પરિણામે જાહેર કરાયેલ કૃષિ સહાય પેકેજ અપૂરતું હોવાનું સાબિત થયું છે. સ્થાનિક સરપંચોએ એકઠા થઈ જિલ્લા કલેક્ટરને આવેદનપત્ર આપી ખેડૂતોના વાસ્તવિક નુકસાન મુજબ પૂરતો વળતર આપવા માંગણી કરી છે. ખેડૂતો અને આગેવાનોના આક્ષેપ પ્રમાણે, મળતી સહાયની રકમ ખેડૂતોએ ભોગવેલા ખર્ચ અને બગડેલા પાકની સામે ઓછા પ્રમાણમાં છે, જેના કારણે ગ્રામ્ય વિસ્તારોમાં રોષ ફેલાઈ રહ્યો છે. સરપંચોએ તંત્રને આ મુદ્દે તાત્કાલિક કાર્યવાહી કરવાની ચેતવણી પણ આપી છે.
