મહારાષ્ટ્રના ઠાણે જિલ્લામાં ચાલુ ચોમાસા દરમિયાન વરસાદ સંબંધિત વિવિધ દુર્ઘટનાઓમાં અત્યાર સુધી 18 લોકોના મોત થયા છે. જિલ્લા વહીવટીતંત્રના અહેવાલ મુજબ ભૂસ્ખલન, દીવાલ ધરાશાયી થવી, પાણી ભરાવા અને અન્ય વરસાદી ઘટનાઓને કારણે 790થી વધુ લોકો પ્રભાવિત થયા છે. માત્ર સોમવારે જ બે લોકોના મોત નોંધાયા હતા, જ્યારે વિવિધ ઘટનાઓમાં 17 લોકો ઈજાગ્રસ્ત થયા છે. સતત ભારે વરસાદને કારણે અનેક વિસ્તારોમાં જનજીવન પ્રભાવિત બન્યું છે. સ્થાનિક પ્રશાસન રાહત અને બચાવ કામગીરીમાં વ્યસ્ત છે તથા જોખમી વિસ્તારોમાં રહેતા લોકોને સાવચેતી રાખવા અને જરૂરી હોય ત્યાં સ્થળાંતર કરવાની અપીલ કરવામાં આવી છે.
