રાજ્યમાં શિયાળાની ઋતુએ દસ્તક આપી દીધી છે. સૌરાષ્ટ્ર અને ઉત્તર ગુજરાતના વિસ્તારોમાં તાપમાનમાં નોંધપાત્ર ઘટાડો થતાં ઠંડીનો પ્રભાવ વધી રહ્યો છે. છેલ્લા 24 કલાકમાં સૌથી ઓછું લઘુત્તમ તાપમાન ગાંધીનગરમાં 14 ડિગ્રી સેલ્સિયસ નોંધાયું, જ્યારે અમદાવાદમાં 15 અને રાજકોટ-અમરેલીમાં 16 ડિગ્રી નોંધાયું હતું. હવામાન વિભાગ મુજબ આગામી દિવસોમાં પણ ઠંડી જળવાઈ રહેવાની સંભાવના છે અને સવાર-સાંજના સમયમાં ઠંડકમાં વધારો થશે.
