અમદાવાદ શહેરના ઉત્તર–પશ્ચિમ ઝોનમાં આવેલા શિલજ અને આસપાસના વિસ્તારોને ટૂંક સમયમાં આધુનિક અને સુવિધાસભર સ્મશાનગૃહની ભેટ મળશે. અમદાવાદ મ્યુનિસિપલ કોર્પોરેશન દ્વારા ₹16.17 કરોડના ખર્ચે 12,000 ચોરસ મીટર વિસ્તારમાં આ સંકુલ તૈયાર કરવામાં આવ્યું છે. અહીં બે CNG ભઠ્ઠીઓ અને ચાર પરંપરાગત લાકડા આધારિત ભઠ્ઠીઓની વ્યવસ્થા સાથે પરંપરા અને પર્યાવરણ–મૈત્રીક બંને પ્રકારના અંતિમ સંસ્કાર વિકલ્પ ઉપલબ્ધ રહેશે.
