જામનગર શહેરના વિવિધ વિકાસકાર્યો માટે ગુજરાત રાજ્ય સરકાર દ્વારા જામનગર મહાનગરપાલિકાને રૂ.85 કરોડની ગ્રાન્ટ ફાળવવામાં આવી છે. ગાંધીનગર ખાતે યોજાયેલા કાર્યક્રમમાં મુખ્યમંત્રીના હસ્તે ગ્રાન્ટનો ચેક અર્પણ કરવામાં આવ્યો હતો. આ પ્રસંગે મેયર, કમિશનર સહિતના મહાનગરપાલિકાના પદાધિકારીઓ ઉપસ્થિત રહ્યા હતા. રાજ્યની આઠ મહાનગરપાલિકાઓને કુલ રૂ.2,800 કરોડની ગ્રાન્ટ ફાળવવાના ભાગરૂપે જામનગરને આ રકમ મંજૂર કરવામાં આવી છે, જેનો ઉપયોગ શહેરના વિકાસકામોને ગતિ આપવા માટે કરવામાં આવશે.
